សំបុកអាយធី សុំមិនធ្វើការបកស្រាយ ពីគុណសម្បត្តិ និងគុណវិបត្តិ រវាង កាសែត ឌីស ហ្វីល និង Memory (ប្រសិនបើមានការសំណូមពរ យើងនឹងរៀបចំជូន) ។ សូមលោកអ្នកបន្ត ស្វែងយល់ពីការការពារ Memory ដែលលោកអ្នកកំពុងនឹងប្រើប្រាស់ នេះវិញម្តង (ភាគច្រើន សម្រាប់ម៉ាសុីនថត)
ប្រសិនបើលោកអ្នកកាន់ Memory នេះមើលមួយជុំ ឬមើលចំពីខាងមុខ នោះលោកអ្នកនឹង មើលឃើញគន្លឹះសុវត្ថិភាពដ៏ងាយស្រួលមួយដែលបង្ហាញនៅចំពោះមុខ ។ នោះគឺ ចំនុច Lock ដែលជាគន្លឹះការពារ កុំឲ្យ Memory របស់អ្នកឆ្លងមេរោគបាន ។
របៀបប្រើប្រាស់ ដើម្បីការពារ គឺគ្រាន់តែទាញគន្លឹះ ចុះឡើងតែប៉ុន្នោះ
- ទាញចុះ (Lock): មានន័យថា ចាក់សោរ ដែលអាចឲ្យលោកអ្នកចម្លងទិន្នន័យចេញ តែមិនអនុញ្ញាត ឲ្យអ្នកចម្លងចូលបានឡើយ ដែលជាហេតុមិនអាចឲ្យមេរោគ ចូលបាន ពាក្យបច្ចេកទេសថា Read-Only ។
- ទាញឡើងវិញ (Unlock): មានន័យថា ដោះសោរ ដែលអាចឲ្យលោកអ្នក ចម្លងឯកសារ ឬរូបភាពចេញបានដូចធម្មតា និងអាចចម្លងចូលវិញ (មេរោគក៏អាចចូលបាន)ថែមទាំងអាចកែប្រែ ឬលុប បាថែមទៀតផង – Read and Write ។
*** ចំណាំ : ជាទូទៅ Lock ត្រូវបានគេប្រើប្រាស់សម្រាប់ចម្លងឯកសារចេញ ឬសម្រាប់ដាក់ផ្តិតរូបថត រីឯ Unlock គឺត្រូវប្រើសម្រាប់ចម្លង ឬថតរូបភាពផ្ទុកក្នុង Memory បើលោកអ្នក មិនទាញ Unlock នោះទេ លោកអ្នកប្រាកដជាមិនអាច ថតរូប ឬចម្លងឯកសារ ចូលបានទេ ។